Category Archives: News

Kärrhöna-Party 2022

Am Samstag, 22. Januar 2022 findet unsere legendäre Kärrhöna-Party statt. Aufgrund der aktuellen Pandemiesituation finden auf dem Rietsporthallenareal keine Festivitäten statt.
Die Guggenkonzerte finden auf dem Zentrumplatz statt und werden wie geplant um 18.30 Uhr starten.

Folgende Guggenmusiken spielen.
Schnüffler Guggä Kaltbrunn, Zägg än Amslä Amden, Hunghäfä Schwanden, Absolut Fidelia St. Gallenkappel, Tschäderi Bomm Uznach, Schilfrohrquaker Ermenswil, Bänggner Sumpfhüener

Eintritt: frei
Zertifikat: 3G mit Maskenpflicht (bitte bringen Sie ihr gültiges Zertifikat, einen Ausweis und ihre Hygienemaske mit)

2019 – S erschti Trompete-Baby 2019!

Am Mäntig, 15. April 2019 isch de Elia uf d Wält cho. Sini stolze Eltere d Manuela und üse Trompeter de Roger freued sich zäme mitem grosse Brüeder am Robin uf es wiiters hungrigs Muul. Mir gratulieret üs vo Herze und wünsched am Elia nume s Beschti!

2019 – Posuunis doppled nach…

Da gaht aber grad ächli öppis im zügige Blechregischter. Au s› zweiti Hüener-Baby im Jahr 2019 dörfed mer nämli de Posuunis zueordne! Und für eimal heissed mer das Chind nöd sprichwörtlich mit «Pauken und Trompeten» willkomme, sondern ebe, mit «Rätsche und Posuune»…

Liebe Bruno, liebi Rahel, herzlichi Gratulation vu üs allne zur Geburt vu de Anja!

2019 – Dä Robin – üses chliinste Sumpfhuän

Rechtziitig uf d Fasnacht sind am Berchtelistag, 2. Januar 2019, üsi Posunistin Dési und de Pascal stolzi Eltere vom Robin worde. Mir wünsched a üsem jüngste Kücken im Hüenerstall en guete Start is Läbä und e schöni erste Fasnacht! 🙂

2018 – Sarah for President…

30.07.2018 / 20.20 Uhr… – aaträte zum Iisatz!  Das hät aber nume für üse Presi Marcel «Schnitz» Schnider gulte!!!

Herzlichi Gratulation de ganze Familie Marcel, Jeannette und Elena zum nüüe Mitglied!

2018 – Schnüffler + Sumpfhuen = Mayla

Dass sich Bänggner Sumpfhüener und d’Schnüfflerguggä us Kaltbrunn bestens verstönd isch keis Gheimniss. Nachdem im letschte Jahr d’Schnüfflerin Vicky und «üse Remo» fusioniert händ, isch pünktlich uf d’Fasnacht au dä Nachwus itroffä: Willkomme Mayla! D’Sumpfhüener wünschet dä jungä Familiä alles Gueti!

2017 – Willkommä Tim!

Üse Posunist de Bruno und sini Frau d Rahel sind sit am 27.April 2017 Eltere vom Tim! D Sumpfhüener gratulieret de frisch bachene Eltere und wünschet Ihne nume s Beschte mitem Tim! 🙂

2016 – Alle guten Dinge sind 3…

Am 23. Dezember 2016, exakt 4 Mönet nach em Roger isch de Cédi Vater worde. Somit dörfed jetzt alli vo üsem Hörnliregister Windle wechsle dihai. 🙂 Mir wünsched de Barbara und am Cédi viel Freund und viel spannendi Moment mit de Eliane!

2016 – Baby-Boom@huener.ch

Es gaht grad ächli öppis i de Küken-Abteilig…

Am 23. August 2016 hät s Trompete-Register nachedopplet: üse Trompeter Rotscher und sini Frau
Manuela (notabene au es ehemaligs Sumpfhuen) sind Eltere worde vum Robin.

Und natürlich gratuliert da die ganzi tolli Hüener-Truppe zum Gugge-Nachwuchs und wünscht de junge
Siegrist-Family ganz vill Glück und friedlichi, ruhigi Nächt! Mer fröied üs!